MP3JOSS

16 E Yinga Ji Ete Ticho Jülano

16 E Yinga Ji Ete Ticho Jülano

Choose Download Format

Download MP3 Download MP4

Details

Title16 E Yinga Ji Ete Ticho Jülano
AuthorEramoren Khentsa
Duration1:22
File FormatMP3 / MP4
Original URL https://youtube.com/watch?v=PFFNH1OZUWo

Description

E YINGA LO OPVÜ OTONG ETSSOE CHÜCHO KHEN
Khentsae: Mhonsheni T Ezung, Longsa village
Videographer: Nyanthung (Stephen) Ezung

E yinga ji éte ticho (tithyo) jü lano
E yinga ji wósen etünga to za
E yinga ji rǘho chümcho to mmyan
E yinga ji khenro ńsüngtav tssóathüng na
Moying orü ńtav choroi khi
Echüm thera órhu lo e rhonia
Nte zaphen óchina ńzai la
Kilo mongla ńte emongthüng merü
Lilo wola ńte eróthüng merü
Züki tajo ócho na ńchani la
Rhonjüng otssü ócho na ńshayi la
Eng na jópha janathüng
Yonjomotssén khyarümtai
Ni rhanlamvü théra arhamvüo.

Yichak Jiang
yinga : oshomdem orhüm motsünga lo vamo jiang jo yinga to tsala
ticho jü : Longsae meta
lamo : olán
wosen : woro
etünga : joren motsünga tssoi vamo ji
za : oli ejon/elhi tsso ji
rüho : oho myamo ji
chümpto : otssüng otong chüma, liko toki chümkachiala
myan : etsüesi motsünga myantao ji, jorena
khenro : khenzhü lanka mezü jiang
nsüngtav : elhi janta, nlannsüngta
tssoathüng : tssovsa vanathüng na, ńtssothüng vüngi na
moyingo : ohüm oli
orü (enemy) : sükhying, yuta ńmhom
ntav : jümjaka, ekyuthao
choroi : rocho
echüm thera : eran thera
orhyu : oten jilo, kholok jilo
rhonia : denio, ekhüpio ji
zaphen : ejan elhi tssophen
ochina : kyon ochina
ńzae : ńtssoyio, elhi ńtssoyio ji
kilo : okiwoe
emongthüng : oki mongo ji
lilo : ohüm oli lia
wola : chowola, jani
erothüng : evanthüng, mbo roa na
meri : meria, emüngyana
züki : soko
tajo : tajo-nijo, pvülyua elio ji
ńchani : opvü lo ńtheo, ńyenio ji
ńshayi : etsoyu ‘lo’ to ńchijamo ji
yonjomotssen : otssü-orang
khyarümtai : topvü khyatai tssotsüo ji
rhanlamvü : tongche lani evav ji

Khentsa Eroro
E yinga ji éte ticho (tithyo) jü lano
-E yinga rhüm ji ticho jü oli yingata le

E yinga ji wósen etünga to za
- E yinga rhüm jina wosen etünga to elhi saka

E yinga ji rǘho chümcho to mmyan
-E yinga rhüm jo oho myana to joren motsünga mmyan

E yinga ji khenro ńsüngtav tssóathüng na
-E yinga rhüm ji okhen terio tsüpho kfütav nlánsüngtav vanathüng ji

Moying orü ńtav choroi khi
-Sükying yuta ńmhom roe

Echüm thera órhu lo e rhonia
-Echüm thera kholok lo mhontssowo ji e rhonicho esüa

Nte zaphen óchina ńzae la
-Mbo ngochen ji ocho na othong tssoa ńlhi sithaka

Kilo mongla ńte emongthüng merü
-Oki mong lia mbo na móngathüng merücho saka

Lilo wola ńte eróthüng merü
-Oli wolia mbo róathüng merücho saka

Züki tajo ócho na ńchani la
-Ochia soko tajo echanio tvü ńvam sithaka

Rhonjüng otssü ócho na ńshayi la
-Otssü lia ocho na éshatheyio tvü ńvam sithak

Eng na jópha janathüng
-Eng erhe etüngáthüng

Yonjomotssén khyarümtai
-Otssü-orang khyarümtai

Ni rhanlamvü théra arhamvüo
-Ni eküm ni rhanjochelanwo, ekilanchewo arhamvüo

Ntssenina
Nkolo eramoreni yingaden motsünga ji elüm mmyanta khenhata yihata tssota ohüm oli yingata oshomdem tssota vancho, osi yingarhüm jilo eboe nchyua na yinga loroe tssóa müngyanmüngsü oshom tssota vancho. Tsüngon motsünga lo onte yinga rhüm ji Ticho jüi oli yingatav kokai vatasi vanathüng ji sükying ńmhom oyí mbo yinga loroe ji chüi sicho. Jitsükona kvüthüng onte yinga jina oli jontav ji wosen etüngato, elani rüho chümchoto, joren motsünga tssoe okhen terio tsüpho jantav vanathüng mbo yinga loroe ji nchümchecho osi mbo na nungra lona phyocho: “Eehüm! Echüm thera orhülo mhontsowo ji rhoni khia jo enhüngo okiwoe monglia eyingthatsüngi si, olilo wolia eyingthatsüngi si, to ni eküm vanathüng mericho saka, enhüngo züki lia ocho na e ńchani, otssü lia ocho na e ńshatheyiv sithak, ni ngochen ji lia ocho na ńzae sithak, elani ni vontssoniro ji ocho na othong ńtssoe sithak tokalo. Rülantachewo otssü-orang lia khyatae ni eküm ji elani rülani khitav kasi, to nungra okheni na nsükacho.

🎧 Just For You

🎵 Giddy Up, Gorgeous - Tanner Adell 🎵 Blinding Lights - The Weeknd 🎵 Bundy Vision - Media Puzzle 🎵 Catch These Fists - Wet Leg 🎵 Daisies (If Duplicate, Skip) 🎵 Dont You Worry Child - Swedish House… 🎵 Titanium - David Guetta Feat. Sia 🎵 Uptown Funk - Mark Ronson Feat. Bruno Mars 🎵 Eternity - Alex Warren 🎵 Luther - Kendrick Lamar & Sza 🎵 Old Town Road - Lil Nas X Feat. Billy Ray… 🎵 Moves Like Jagger - Maroon 5 Feat…