“Forever Karenni” New Country Song 2021 Composer by KhuReeReh & KhuMi

Details

Description

Composer- Khu Ree Reh / Khu Mi
Artists- Lee Reh, Pray M Maw, Pi Ya & Khu Ree Reh
Rappers- Khu Mi & Sowreh Sunset
Producer- Chris Chen(Say Reh)
Drone- Joe Naing Lin
Video- Corey Embring, Karenni Entertainment, David Lee, David Pray, Plae M Maw & Bo Reh
Editor- Khu Ree Reh

Lyrics

Chorus
ꤕꤟꤢꤧ꤬ꤗꤟꤥ꤬ꤔꤟꤤꤔꤢ ꤕꤟꤢꤧ꤬ꤗꤛꤢꤩ꤬ꤕꤟꤢꤧ꤬ꤡꤣ꤬
ꤕꤟꤢꤧ꤬ꤗꤢ꤬ꤟꤢꤪꤘꤢꤦ꤬ ꤊꤢ꤬ꤛꤢ꤭ꤜꤟꤤ꤬-ꤖꤢꤨ ꤕꤟꤢꤧ꤬ꤡꤟꤛꤣꤒꤟꤛꤣꤘꤣ ꤋꤢ꤬ꤜꤟꤢꤩꤙꤤꤒꤢꤩ꤭ꤙꤢꤧ꤬ꤙꤢꤧ꤬ ꤕꤟꤢꤧ꤬ꤗꤢ꤬ꤟꤢꤪꤘꤢꤦ꤬ ꤊꤢ꤬ꤛꤢ꤭ꤜꤟꤤ꤬-ꤖꤢꤨ ꤒꤢ꤬ꤡꤢꤨ꤭ꤕꤚꤟꤢꤧ꤬

Verse (1)
ꤊꤢ꤬ꤛꤢ꤭ꤜꤟꤤ꤬-ꤖꤢꤨ ꤕꤚꤟꤢꤧ꤬ꤜꤢꤨ꤬ꤗꤛꤢꤩ꤭ꤞꤤ꤭ꤒꤢ꤬ꤟꤢꤩ꤬
ꤗꤢ꤬ꤗꤟꤢ ꤊꤢ꤬ꤛꤢ꤭, ꤜꤢ꤬ꤋꤛꤢꤩ꤭, ꤕꤢ꤬ꤊꤣ, ꤗꤢ꤬ꤔꤢꤨ, ꤗꤢ꤬ꤔꤢꤪ ꤊꤢ꤬ꤛꤢꤪ꤬, ꤛꤢꤩ꤬ꤙꤢꤪ꤬, ꤛꤢꤩ꤬ꤒꤢ꤬ꤜꤢꤧ꤭, ꤊꤟꤢꤩꤋꤥ꤬, ꤊꤟꤢꤩꤙꤢ ꤢꤧꤘꤢꤦ꤬ꤔꤢ ꤊꤢ꤬ꤛꤢ꤭ꤜꤟꤤ꤬-ꤖꤢꤨ ꤓꤛꤣ꤭ ꤥ꤬ꤔꤟꤤꤘꤢꤦ꤬ ꤕꤟꤢꤧ꤬ꤋꤝꤤꤡꤢꤪꤖꤛꤢ꤬

Rap (1)
BC ꤇꤃꤉ ꤔꤢ꤬ ꤢ꤬ꤋꤢꤧ꤭ꤔꤛꤣ꤬ꤗꤢ꤬ ꤊꤢ꤬ꤛꤢ꤭ꤜꤟꤤ꤬-ꤖꤢꤨ ꤥ꤬ꤘꤢꤦ꤬ꤘꤣ Mongolia ꤊꤟꤢꤩ ꤚꤢꤪ ꤒꤟꤢ꤭ꤒꤢ꤬ꤊꤢ꤬ꤜꤟꤛꤢ꤬ꤗꤛꤢꤓꤛꤢꤩ꤬ꤘꤢꤦ꤬ ꤋꤢ꤭ꤜꤟꤢꤩꤘꤣꤢ꤬ꤒꤝꤟꤥ ꤢ꤬ꤗꤟꤥ꤬ꤊꤟꤢ꤬ꤡꤟꤢꤨꤊꤟꤢ꤬ꤙꤢꤧꤚꤢꤪ ꤙꤢꤩ꤬ꤥ꤬ꤘꤢꤦ꤬ꤔꤢ ꤊꤢ꤬ꤛꤢ꤭ꤜꤟꤤ꤬-ꤊꤟꤢꤩ
ꤙꤤꤔꤛꤣ꤬ꤢ꤬ꤋꤢꤧ꤭ꤔꤛꤣ꤬ꤗꤢ꤬ ꤕꤟꤢꤧ꤬ꤥ꤬ꤘꤢꤦ꤬ꤔꤢ ꤒꤟꤢꤧ꤬ꤗꤟꤥ꤬ꤒꤟꤢꤧ꤬ꤕꤟꤢꤩ꤭ ꤕꤟꤢꤧ꤬ꤥ꤬ꤘꤢꤦ꤬ꤔꤢ ꤒꤟꤢꤧ꤬ꤕꤟꤢꤩ꤭ꤒꤟꤢꤧ꤬ꤘꤝꤥ꤭ ꤥ꤬ꤕꤜꤢꤪꤥ꤬ꤡꤢꤧ꤭ꤘꤢꤦ꤬ꤜꤢꤨ꤭ ꤕꤟꤢꤧ꤬ꤥ꤬ꤘꤢꤦ꤬ꤘꤣ ꤜꤢꤗꤤ꤬ꤏꤥ꤬ꤊꤜꤢꤧ꤭ ꤥ꤬ꤡꤢꤪꤥ꤬ꤒꤟꤢꤩ꤬ꤘꤢꤦ꤬ꤒꤟꤢꤧ꤬ꤓꤛꤣ꤭ ꤕꤟꤢꤧ꤬ꤢꤧꤘꤢꤦ꤬ꤕꤟꤢꤧ꤬ꤔꤟꤢꤩꤔꤢ We Are Karenni

Verse (2)
ꤊꤢ꤬ꤛꤢ꤭ꤜꤟꤤ꤬-ꤖꤢꤨ ꤕꤚꤟꤢꤧ꤬ꤜꤢꤨ꤬ꤗꤛꤢꤩ꤭ꤞꤤ꤭ꤒꤢ꤬ꤟꤢꤩ꤬
ꤗꤢ꤬ꤗꤟꤢ ꤊꤢ꤬ꤛꤢ꤭, ꤜꤢ꤬ꤋꤛꤢꤩ꤭, ꤕꤢ꤬ꤊꤣ, ꤗꤢ꤬ꤔꤢꤨ, ꤗꤢ꤬ꤔꤢꤪ, ꤊꤢ꤬ꤛꤢꤪ꤬, ꤛꤢꤩ꤬ꤙꤢꤪ꤬, ꤛꤢꤩ꤬ꤒꤢ꤬ꤜꤢꤧ꤭, ꤊꤟꤢꤩꤋꤥ꤬, ꤊꤟꤢꤩꤙꤢ ꤢꤧꤘꤢꤦ꤬ꤔꤢ ꤊꤢ꤬ꤛꤢ꤭ꤜꤟꤤ꤬-ꤖꤢꤨ ꤓꤛꤣ꤭ ꤥ꤬ꤔꤟꤤꤘꤢꤦ꤬ ꤕꤟꤢꤧ꤬ꤋꤝꤤꤡꤢꤪꤖꤛꤢ꤬

Verse (3)
ꤘꤣꤔꤢꤨ꤬ꤘꤣꤎꤢ ꤒꤢ꤬ꤓꤢꤦ꤬ꤓꤛꤣ꤭ꤒꤢ꤬ꤓꤢꤦ꤬ ꤒꤟꤛꤣꤊꤟꤢꤩꤋꤥ꤭ꤑꤟꤢ ꤕꤟꤢꤧ꤬ꤥ꤬ꤕꤜꤢꤪꤥ꤬ꤡꤢꤦ꤭ꤘꤢꤦ꤬ꤜꤢꤨ꤭ꤖꤢꤨ ꤕꤟꤢꤧ꤬ꤊꤟꤢꤦ꤬ ꤏꤤ꤭ꤕꤜꤢꤧ꤭ꤜꤢ꤬ꤗꤟꤢꤩꤒꤥ꤬ꤑꤢꤩ꤭ ꤕꤟꤢꤧ꤬ꤥ꤬ꤕꤟꤢꤩꤘꤝꤥ꤭ ꤊꤢ꤬ꤡꤟꤢꤨꤊꤢ꤬ꤙꤢꤧ ꤚꤟꤥ꤭ꤔꤟꤤꤘꤢꤦ꤬ꤜꤢꤨ꤭
ꤕꤟꤢꤧ꤬ꤗꤢ꤬ꤟꤢꤪ ꤊꤢ꤬ꤛꤢ꤭ꤜꤟꤤ꤭ ❨ ꤊꤢ꤬ꤛꤢ꤭ꤜꤟꤤ꤭-ꤖꤢꤨ❩

Rap (2)
ꤊꤢ꤬ꤛꤢ꤭ꤜꤟꤤ꤬-ꤊꤟꤢꤩ ꤊꤟꤢꤨ꤭ꤔꤛꤣ꤬ꤗꤢ꤬ ꤒꤟꤢꤧ꤬ꤒꤝꤟꤥꤒꤟꤢꤧ꤬ꤚꤛꤢ ꤥ꤬ꤢꤧꤑꤢ꤬ꤡꤢꤪ
ꤗꤟꤢꤘꤢꤦ꤬ꤟꤢꤪ ꤊꤢ꤬ꤔꤛꤢ꤬ꤗꤟꤢꤪ꤬ ꤓꤛꤢꤩ꤭ꤢꤪ꤬❨꤇❩ꤢꤪ꤬ ꤓꤛꤢꤩ꤭ꤋꤢꤨ꤬ꤊꤟꤌꤣ ꤏꤥ꤬ꤕꤟꤢꤪ꤬ꤖꤢꤧ ꤏꤥ꤬ꤖꤢꤧꤎꤥ꤭ ꤏꤥ꤬ꤒꤢ꤬ꤏꤛꤢ꤭ ꤓꤛꤢꤩ꤭ꤋꤛꤢꤩ꤬ ꤓꤛꤢꤩ꤭ꤖꤝꤥ꤭ ꤓꤛꤢꤩ꤭ꤜꤛꤢ꤭ꤗꤟꤌꤣ ꤛꤢꤩ꤭ꤗꤢ꤬ꤟꤢꤪ ꤕꤟꤢꤧ꤬ꤗꤟꤌꤣꤕꤟꤢꤧ꤬ꤖꤢꤧ꤭ ꤢꤨ꤬ꤡꤢꤧ꤭ꤒꤢ꤬ꤚꤟꤢꤧ꤬ ꤕꤟꤢꤧ꤬ꤗꤟꤌꤣꤕꤟꤢꤧ꤬ꤖꤢꤧ꤭ ꤕꤟꤢꤧ꤬ꤖꤛꤢꤩ꤭ꤕꤟꤢꤧ꤬ꤖꤟꤌꤣ꤭ ꤗꤢ꤬ꤟꤢꤪꤘꤢꤦ꤬ Karenni ꤕꤟꤢꤧ꤬ꤞꤝꤤ꤬ꤕꤟꤢꤧ꤬ꤓꤛꤢꤩ꤭ ꤕꤟꤢꤧ꤬ꤊꤜꤝꤤ꤭ꤕꤟꤢꤧ꤬ꤜꤟꤛꤢ꤬ ꤗꤢ꤬ꤟꤢꤪꤘꤢꤦ꤬ Karenni ꤕꤟꤢꤧ꤬ꤡꤟꤛꤣꤥ꤬ꤒꤟꤛꤣꤙꤤꤒꤢꤩ꤭ꤙꤢꤧ꤬ꤙꤢꤧ꤬ ꤕꤟꤢꤧ꤬ꤗꤢ꤬ꤟꤢꤪꤘꤢꤦ꤬
Karenni We Are Karenni Forever